Loading...

(WARBIXIN)Raila Odinga oo Maray wadadii uu aabihii maray

Kenya waxay taariikh u leedahay khilaaf dhanka doorashada, laga soo biloobo markii dalku qaatay nidaamka xisbiyada badan bilowga 1991-kii waxaana ilaa xiligaa dalka ka qabsoomay lix doorasho oo ay u tartamayeen in ay ku hantaan xukunka dalka Odinga Odinga oo wiilkiisa Raila Odinga.

DEC, 1992
Waxaa tartamay Danial Arab Moi, Kibabki, Raila Aabihiis Odinga Odinga, Keneth Metebi oo galay kaalinta labaad, iyo musharixiin kale oo dhamaan ka socday xisbiyo kala duwan, waxaa doorashadaas ku guulaystay Arap Moi, waxaase ka dhashay rabshado iyo in ay mucaaradku qaadaceen, waxaase sheekadu ku dhamaatay in xaalku caadi ku soo noqodo maalmo kadib.

29, Dec, 1997

Doorashadii dhacday waxaa ku guulaystay Danial Arap Moi, waxaa ku xigay tiro ahaan Mawai Kibaki, Charty Inguli, Raila Odinga, waxaa sidoo kale ka dhashay rabshado dad ku dhinteen, balse ma sii socon rabshadahaas.

27, Dec, 2002

Doorashadii la qabtay waxaa si weyn ugu guulastay Mawai Kibaki oo helay 62% guud ahaan cododkii la tiriyey, wuxuuna doorashadaas hogaaminayey isbahaysi ka kooban dhamaan qabiilada Kenya dega, Riala wuxuu qayb ka ahaa isbahaysigaas, waxaa tiro ahaan ku xigay Uhuru Kenyata, ma jirin wax rabshado ama diidma ah oo ka dhacay, waana doorashadii ugu xalaal sanayd ee dalkaa soo martaa ilaa markii uu xornimada qaatay.

30, Dec, 2007

Waxaa ku guulaystay mar labaad Mawai Kibaaki, Waxaa ku xigay Riala Odinga, waxaa si cad loogu shubtay doorashadaas, waxaana halkaas ka dhashay rabshado ay ku geeriyoodeen 1200 qof, halka 600,000 qof ay ku barkaceen.

04, March, 2013

Doorashadii dhacday waxaa ku guulaystay sida ay cadeeyeen gudiga doorashoyinka Uhuru Kenyata, oo helay 50.5% dhamaan cododkii la dhiibtay, waxaa qaadacay natiijadii ka soo baxday mucaaradka oo uu Raila hogaaminayey oo helay

08, Agust, 2017

Doorashadaan waxaa aad loo saadalinayey in xisbigaan talada haya ee Jubilee uu dib u soo noqonayo qiimo kasta oo ay ugu kacayso, waxaana jira heshiis ay wada galeen Wiliam Ruto iyo Uhur Kenyata kaas dhigaya in Uhuru lagu taageero qabashada xilka labo jeer oo sharciga dalku ogolyahay. halka marka sadexaad la soo sharaxayo Wiliam Ruto, waxaa arinkaas u gogol xaaray in qaab farsamaysan doorashada loo galo oo xataa hadii la dhaco aan la fahmi karin madaama u yahay qaab electoronic ah. Waxaa sidoo kale meesha ka muuqatay in Jubilee ku guulaysteen inay beesha caalamka oo korjoogto ka ahayd doorashada ay ku qanciyaan in doorashadan si xalaal ah u dhacday.

Ra’iila Aaabihiis Odning Odinga wuxuu geeriyooday isagoo ka miro dhalin riyadiisii uu ku doonayey inuu noqdo madaxweynaha Kenya, markii aabihiis geeriyooday kadib Raila Odinga ayaa meeshaas ka sii waday riyada Aabihiis, Raila oo hada 72 sano jir ah ayaa sida uu qorayo Dastuurka Kenya qofka haduu gaaro 76 sano inuusan isu soo sharixi karin madaxweynanimada dalka, taas oo ka hor istaagaysa Raila Oding inuu tartan u galo doorashada dhici doonto 2022. Sidii horey u soo dhacday mararbdan taageerayaasha mucaaradku waxay samayn doonaan rabshado socon doono dhowr maalmood.

1- Markasta wuxuu la tartamaa xisbiga talada haya, oo leh awoodo uu ku hanan karo in dib loo doorto wada kasta ha u mare, madaama uu gacanta ku hayo dhaqaalihii dalka iyo siyaasadii, Kenyana waa dal musuq maasuqu aad u sareeyo, arintaas waxay sababtaa in loo isticmaalo doorashada awood xad dhaaf ah iyo khiyaabo qayaxan.

2- Arinta labaad ayaa ah in doorashada Kenya ay ku salaysan tahay hab qabiil, waxaana arinkaas ka dheehan kartaa doorashadan lagu kala baxay ayaa Raila Oding wuxuu ka helay magaalada reerkiisu dagaan ee Kisumu codad gaaraya 97%, taas waxay cadaynaysaa in qabiilkaas oo dhan ay isaga taageersan yihin, halka Kukuyo iyo Kalanjiin oo la isku daray ay ka codeeyaan 6,000,000 oo qof, waana shaki la’aan in 90% cododkaas ay aadeen dhanka Uhuru Kenyata, waxaana aad ugu fudud musharax helay codod noocaas ah inuu qabiilada kale oo Soomaalidu ugu badan tahay uu ka helo inta dhiman.

Fikir ahaan waxaan aaminsanahay in Kenya dadkeedu aysan xamilin karin rabshado, iyo mudaharaadyo iska socda, maxaa yeelay waa dad 47% ah faqiir xoogsato ah, mana awoodi karaan mudo todoba maalin ah in aysan helin waxay Ugaali ku iibsadaan, waxaan aad u rajaynaa in ay ku qanci doonaan natiijada Uhuruna la siin doono waqtigiisa.

Share
Loading...

Fikradaha Akhristayaasha (0)




XOG XASAASI AH :Yaa ka dambeeyey qaraxii sida weyn loogu hoobtay ee ka dhacay Isgoyska Zope?
- Oct 17, 2017
Ugu yaraan 300 oo qof ayaa ayaa ku dhimatay qaraxii labo cisho ka hor ...
WARBIXIN: Gen. Cirfiid & Wasiir C/rashiid Is Casilaadoodii Kadib Maxaa Amniga Faraha Ka Bixiyey?
- Oct 15, 2017
Taliyahii Ciidanka Xoogga Dalka Gen. Axmed Jimcaale Cirfiid ayaa Khamiistii duhurnimadeedii Xilka iska Casilay ...
Golaha Kismayo, Golaha Cadan-Yemen & Golaha Dubruq ee Libiya! Maxaa ka dhexeeya?
- Oct 12, 2017
Taariikhda Ummaduhu waxey u Qoraan una Akhriyaan Cibro iyo Waano qaadasho sida; in laga ...
Dib u akhriso Taariikhda Calanka Soomaaliyeed
- Oct 12, 2017
Maanta oo kale, Sanadka walba waxaa dalka laga xusaa maalinta Calanka, waa maalin ka ...
(SAWIRO)Booliska Kenya oo aan waxba ula harin dibadbaxyada Mucaaradka iyo Dowlada oo amar kusoo rogtay sadex magaalo oo…
- Oct 12, 2017
Dowladda Kenya ayaa mamnuucday in dibadbaxyo lagu qabto gudaha saddex magaalo oo waaweyn oo ...
Naxdin: Mucjiso la tusay Gabar Xalay Waraysi ka Qaaday Ninkii Qowmu Luudka ahaa ee Live-ka soo Galay
- Oct 10, 2017
Daawo Muuqaalka Gabadha oo ka Sheekaynaysa waxa ku dhacay. https://youtu.be/qoiczoL4N_s
Shirkia Kismaayo: Waxa uu ka jawaabayaa qorshihii qeybi oo xukun
- Oct 8, 2017
Waxaa lagu wadaa in magaalada Kismaayo uu maalinta Isniinta si rasmi ah uga furmo ...
QORMO: Shirka Kismaayo, Imaaraadka Carabta iyo qarannimada Somalia
- Oct 8, 2017
Magaalada Kismaayo waxa isugu tagey madaxda maamul goboleedyada Soomaaliya, oo hadda u dhaqmaya sida ...
Muuqaalka Soomaaligii Weerarka ka geystay Canada oo la shaaciyay
- Oct 3, 2017
Booliiska dalka Canada ayaa sheegay inay eedo dhinaca argagixisada ah kusoo oogi doonaan nin ...
XOG: Xisbiga Damu-jadiid oo Doonaya inay mar kale Madaxweyne ka noqdaan Galmudug
- Oct 2, 2017
Damu-jadiid ayaa dooneysa inay ka faa’iideystaan xiisada ka taagan Galmudug, iyagoo xildhibaanada maamulkaasi ku ...
XOG: Ciidamo Shariif Xasan ka socda oo Raadinaya Xildhibaano Mooshin wada
- Oct 2, 2017
Warar naga soo gaaray degmada Afgooye ee Gobolka Shabellaha Hoose ayaa sheegaya in halkaa ...
”Hadii Muqdisho tagitaankeeda uu dhib keenay mar kale sooma laabaneyso”ayay tiri Fanaanada Yurub Geenyo.
- Oct 1, 2017
Fanaanada Caanka ah ee Yurub Geenyo ayaa maanta ku laabatay magaalada Hargeysa ee xarunta ...